Os nenos que practican deporte sacan mellores notas
www.abc.es
Os nenos que practican deporte habitualmente sacan mellores notas e fan máis os deberes respecto aos alumnos que non fan exercicio físico, segundo revela un estudo realizado polo Observatorio de Estudos do Comportamiento (OEC) de Esade en colaboración con Danone.
Tras analizar os hábitos de máis de 5.000 estudantes de entre 6 e 12 anos que acuden ás Escolas Deportivas de Danone, o estudo destaca que o exercicio físico axuda a paliar o absentismo escolar, xa que o 40% dos menores que o practican melloran o seu rendemento e presentan maior motivación por ir ao colexio, informou Esade nun comunicado.
Igualmente, practicar deporte fai diminuír a porcentaxe de nenos aos que non lles gusta ir a clase, pasando dun 34% a un 18% deles. Ademais de sacar mellores notas, os alumnos que realizan exercicio físico destinan menos horas a ver a televisión e "pasan menos tempo na rúa sen facer nada".
Nova completa: http://www.abc.es/20120416/sociedad/abci-ninios-deporte-mejores-notas-201204161715.html
Arteixo organiza a XV Carreira Popular
O horario da proba será:
- 10.45 Pre-atletismo (sen inscrición previa) 210 metros
- 11.00 Benxamíns-Alevíns 960 metros aprox.
- 11.15 Infantil-Cadete-Xuvenil 3.600 metros aprox.
- 11.45 Senior en diante 12.000 metros aprox.
A inscrición poderanse formalizar gratuíta e exclusivamente en www.championchipnorte.com. Os atletas menores de idade que carezan de DNI farán a súa inscrición no correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo . A data límite para as inscricións finaliza o 9 de maio.
Máis información en www.championchipnorte.com.
O Diario Oficial de Galicia publica a nova Lei do Deporte de Galicia
O Diario Oficial de Galicia publica hoxe a nova Lei do Deporte de Galicia. A norma foi aprobada polo Parlamento de Galicia na súa sesión plenaria do pasado 27 de marzo e substitúe a Lei do 97, que é así derogada, e ven a acompasar as previsións legais do deporte galego á súa realidade e actuais necesidades, asentando tamén as bases para o seu futuro desenvolvemento.
Consta de IX Títulos onde se abordan aspectos como as competencias das Administracións públicas, os suxeitos da actividade deportiva, a xurisdición deportiva, a protección da saúde dos deportistas e a loita contra a dopaxe, ou a loita contra a violencia e as condutas contrarias á boa orde deportiva. Prevé un prazo dun ano para a adaptación das entidades deportivas galegas as súas previsións.
O deporte e a actividade física poden levarte aos Xogos Olímpicos de Londres
Un xurado de deportistas olímpicos elixirá o mellor vídeo, que gañará unha viaxe a Londres para asistir aos Xogos Olímpicos 2012. Entre os vídeos máis votados na web ou nas redes sociais, os participantes poderán conseguir varios premios, como teléfonos móbiles, cámara de fotos dixital ou reloxos edición limitada de Londres 2012.
Visita a seguinte web para máis información e os pasos a seguir. Estás preparado/a para amosar ao mundo o mellor de ti?
https://showyourbest.olympic.org/es#!/intro
Galicia, entre as comunidades onde se practica deporte con máis frecuencia
Neste estudo, realizado nunha mostra de 1.924 cidadáns para coñecer os seus hábitos de consumo ou a súa satisfacción coas instalacións deportivas públicas, extráese que un 24% dos españois non realiza exercicio físico algún. Os resultados da enquisa amosan que aqueles que realizan polo menos un par de horas semanais de exercicio físico melloran notablemente o seu benestar e que a súa práctica non está relacionada con ter máis tempo libre, ni máis ou menos idade.
O consumo de tabaco e a situación económica foron outras das variables estudadas. Así, aqueles cidadáns que fuman máis de 15 cigarros ao día practican menos deporte e o 53% das persoas que fai máis de 150 minutos de exercicio á semana declara gozar dunha boa ou moi boa situación económica.
En relación ao grao de satisfacción coas instalacións deportivas públicas, a enquisa desvela que o número é, en xeral, bo como o demostra que a metade dos enquisados recoñece que a 15 minutos do seu domicilio existe, polo menos, un polideportivo e o 46% desfruta de ximnasio público preto da casa, e un 70% afirma poder acudir a un parque ou zona aberta a practicar deporte.
Os usuarios máis satisfeitos son os do País Vasco, Madrid, Castela-A Mancha e Asturias, e os que menos, os de Murcia. En canto ao número de instalacións públicas preto da casa, cataláns e valencianos son os peor parados, fronte a vascos e aragoneses.
A OCU recorda que o exercicio físico combate a hipertensión ou o sobrepeso e, por tanto, reduce as posibilidades de sufrir un infarto, reforza a musculatura e os ósos e rebaixa os niveis de estrés.
Fonte: http://elprogreso.galiciae.com/nova/149762.html
O deporte e as baixas temperaturas activan a graxa "boa"
Pasar frío e facer exercicio. Estes son os dous aliados da graxa "boa" (a parda ou marrón), que consume calorías e adelgaza, a diferenza da de cor branca ou amarillenta, responsable do sobrepeso. Diferentes investigadores buscan descubrir como activar o seu funcionamento para adelgazar a vontade.
Un estudo da Universidade de Sherbrooke, publicado en Journal of Clinical Investigation, chegou a esta conclusión despois de someter a seis homes de entre 23 e 42 anos a frío moderado durante fraccións de dúas horas (a súa temperatura baixou entre 3,8 e 0,4 graos). Ao parecer, un estímulo tan simple como un ambiente frío xera un impacto e pon en marcha o funcionamento desta graxa boa que queima calorías. Neste sentido, algúns científicos cren que se podería chegar a vincular a obesidade coas temperaturas excesivamente altas nas casas.
Outro factor que activa a graxa parda é a práctica de deporte. Científicos da Universidade de Harvard (traballo publicado en Nature) descubriu unha hormona nova (irisina) que xera o músculo cando se exercita e que se dirixe á graxa parda coa misión de espertar o seu funcionamento. Desta forma, ao facer deporte non só se queiman calorías, senón que ademais existe un consumo extra pola activación deste tecido.
Fonte: http://sociedad.elpais.com/sociedad/2012/01/25/actualidad/1327524588_593356.html
A práctica de deporte incrementa o rendemento escolar
Cando se fala de deporte, moitas veces asóciase este coa prevención para enfermidades cardiovasculares ou a diabetes, ou tamén como un método para loitar contra o sobrepeso e a obesidade. Pero o exercicio físico vai máis alá, xa que a súa práctica diaria pode contribuír a mellorar as notas dos escolares. Esta é a conclusión que se extrae dun estudo elaborado por un equipo de científicos da Universidade Vrije (Holanda), que relaciona a actividade física co mellor rendemento académico.
O deporte contribúe a ter máis éxito no colexio. Segundo recollen os autores da investigación na publicación "Archives of Pediatrics and Adolescent Medicine", hai varias hipóteses sobre os mecanismos polos que o exercicio é beneficioso para a cognición. Un deles fai referencia a que facer deporte mellora a función cardíaca e a capacidade pulmonar e que o cerebro recibe un aumento de osíxeno. Outra menciona o aumento dos niveis de endorfinas e norepinefrina, o que se traduce nunha redución dos niveis de estrés e unha mellora do humor.
Este estudo recolle que o deporte facilita un aumento dos factores de crecemento que axudan a crear novas células nerviosas, o que estimula a conexión entre as neuronas. Ademais, a participación regular en actividades deportivas pode mellorar o comportamento dos nenos na aula e aumentar así as probabilidades dunha mellor concentración nos contidos académicos.
Os científicos levaron a cabo a busca e selección de todos os traballos publicados entre 1990 e 2010 que facían referencia ao deporte e á aprendizaxe escolar ou ao rendemento académico e que se realizaran en menores cunha media de idade de seis ata os 18 anos. Dos 844 traballos identificados, os autores escolleron 14. O valor desta revisión radica en que ata agora “non se realizara ningunha cun enfoque específico de relación entre actividade física xeral e rendemento académico que valorara, ademais, a calidade dos estudos”, recoñecen os investigadores.
Fonte: http://www.elmundo.es/elmundosalud/2012/01/02/neurociencia/1325520776.html?cid=GNEW970103
Realizar deporte mellora o sono
Realizar deporte mellora o sono. Esta é a conclusión á que chegan varios estudos realizados por universidades norteamericanas e que revelan que para durmir un 65% mellor pola noite e estar espertos e activos durante o día débese realizar polo menos 150 minutos distribuídos na semana.
A actividade física mellora a saúde, pero tamén o rendemento. Segundo un estudo realizado a 2.600 homes e mulleres entre 18 e 85 anos, o exercicio beneficia o sono reparador e a calidade do mesmo. Así, as persoas enquisadas que asistían regularmente ao ximnasio afirmaron que durmían ben pola noite e non tiñan sono durante o día. Ademais, o 68% recoñeceu non padecer cambras nas pernas e o 45% reduciu os seus problemas de concentración.
Fonte: http://www.nutricion.pro/02-01-2012/tips/realizar-deportes-mejora-el-sueno
O Parlamento galego aproba o plan Galicia Saudable
A comisión de Sanidade, Política Social e Emprego do Parlamento galego deu o visto bo ao plan galego para o fomento da actividade física Galicia Saudable. O secretario xeral para o Deporte, José Ramón Lete Lasa, defendeu o proxecto e destacou que este responde ao traballo de dous anos nos que contou coa participación dunha comisión de expertos e outros actores involucrados no fomento da saúde pública. Con esta aprobación o Plan Galicia Saudable segue a súa marcha en prol dunha Galicia máis activa e Saudable.
Lete Lasa resaltou tamén o labor do seu departamento a través das unidades de promoción de exercicio, instaladas xa en 28 concellos da comunidade e reivindicou que Galicia Saudable pretende "ser moito máis que unha marca" para convertelo en "movemento" que busca modificar os hábitos de vida dos galegos.
O Plan Galego para o Fomento da Actividade Física Galicia Saudable nace co obxectivo de crear as condicións necesarias para que a poboación galega desfrute dunha vida máis activa, que permita conservar a saúde e a autonomía persoal, gozar dun maior benestar e calidade de vida e previr e reducir a presenza de enfermidades relacionadas co sedentarismo.
Galicia Saudable é un plan promovido polo goberno galego que quere axudar a sociedade a gozar dos beneficios dunha vida máis activa e saudable, aportando información práctica sobre lugares, actividades e servizos para facer exercicio na contorna máis próxima.
A Mancomunidade Terra de Celanova recibiu o galardón ao concello co mellor labor na promoción da actividade física e o deporte
A unidade de promoción do exercicio “Mancomunidade Terra de Celanova Saudable” recibiu o Premio Deporte Galego 2011 ao concello co mellor labor de promoción da actividade física e o deporte na gala celebrada onte no Teatro Jofre de Ferrol.
Os obxectivos que se buscan para promover os estilos de vida saudables nesta mancomunidade son: previr enfermidades e malos hábitos; axudar a tomar conciencia do que comemos; promover os bos hábitos e a actividade física combatendo a inactividade; e fomentar unha alimentación equilibrada.
O presidente de Xunta, Alberto Núñez Feijoo, lembrou na súa intervención a posta en marcha por parte da Administracion galega do plan Galicia Saudable, que quere fomentar o deporte en todas as xeracións e en todas as partes da comunidade; e a futura Lei do Deporte, que protexe non só aos 300.000 deportistas federados, senón tamén aos que practican deporte no día a día e que, por primeira vez, regula a loita contra a dopaxe e a violencia. Tamén afirmou que “na botica de remedios contra a crise, o deporte e os seus valores de superación e de cooperación deberán figurar nos medicamentos máis recomendados”.
Fonte: http://deportegalego.es/index.php?idMenu=67&int1=1560&idIdioma=2
Siguenos en:
