Un neno obeso ten o 50% de posibilidades de selo de maior
AXENCIA EFE
O endocrino e coordinador da unidade de investigación do Hospital Universitario Son Espases, Barto Burguera, advertiu de que un neno obeso ten un 50 por cento de posibilidades de ser un adulto con sobrepeso, cos problemas que isto representa para a saúde como as enfermidades cardíacas ou a diabetes.
O doutor Burguera insistiu en que os adultos teñen que tomar conciencia do propio peso e do dos seus fillos porque en moitas ocasións non recoñecen que sobrepasan os niveis aconsellables desde o punto de vista da saúde e da prevención das enfermidades.
Ante esta situación, o especialista solicitou "valentía" ás autoridades sanitarias para aplicar medidas preventivas, como a posta en marcha de plans que deben ter unha vixencia de dez anos e que contemplen tamén campañas publicitarias, ao igual que se fixo durante décadas para evitar o tabaco, as drogas, os accidentes de tráfico ou as que animaban a reciclar.Nova completa: http://www.lavozdegalicia.es/noticia/salud/2012/04/17/nino-obeso-50-posibilidades-serlo-mayor/00031334657354844805580.htm
Por unha vellez activa
O maior risco para a saúde máis alá dos 60 son as enfermidades non transmisibles. Infartos, ictus, cancro ou diabetes son as principais causas de morte e enfermidade nas últimas décadas da vida pero teñen a vantaxe de que, fronte a outras patoloxías, o risco de sufrilas pódese minimizar tendo uns hábitos saudables. Por iso o Día Mundial da Saúde estivo dedicado este ano á vellez sa.
Dentro de cinco anos, por primeira vez na historia, a poboación mundial de maiores de 65 anos superará á de menores de cinco. O mundo envellece "e os países necesitan adaptarse a este cambio de forma positiva e inclusiva", sinala un editorial de The Lancet. Esta nova visión da vellez pasa por deixar atrás o matiz de carga social e económica que acompaña aos maiores.
Nova completa: http://www.elmundo.es/elmundosalud/2012/04/04/noticias/1333547701.htmlAs bebés con sobrepeso están en maior risco de padecer diabetes e problemas cardíacos en idade adulta
O estudo revela que as adolescentes cunha cintura máis grande, maiores niveis de insulina e triglicéridos (un tipo de graxa que se atopa no sangue) e niveis máis baixos de colesterol "bo" HDL foran máis gordas desde o nacemento que outras rapazas.
O peso ao nacer e a distribución da graxa corporal non pareceron ter impacto sobre estes factores de risco nos nenos, anotaron os autores. O estudo aparece na edición de xuño do Journal of Clinical Endocrinology & Metabolism.
Nova completa: http://www.nlm.nih.gov/medlineplus/spanish/news/fullstory_123581.html
O 31 % da poboación española padece síndrome metabólico
LA VOZ DE GALICIA - AXENCIA EFE
O 31 por cento da poboación adulta española padece síndrome metabólico (SM), unha agrupación non casual de diferentes factores de risco, como obesidade abdominal, glucemia e presión arterial elevada, que aumenta a posibilidade de padecer diabetes ou enfermidade cardiovascular asociada.
Así se mostra nun artigo na última edición da Revista Española de Cardioloxía, editada pola Sociedade Española de Cardioloxía (SEC), sobre o estudo Darios.
Este estudo, liderado polo Instituto de Investigación Hospital del Mar de Barcelona, baseouse en once estudos poboacionais desenvolvidos en España na primeira década do presente século, nos que participaron 24.670 persoas, de idades comprendidas entre os 35 e 74 anos.
Segundo a SEC, considérase que unha persoa padece síndrome metabólico cando presenta tres de cinco criterios que son glucemia elevada, presión arterial sistólica ou diastólica elevada, HDL colesterol diminuído, triglicéridos elevados e medidas de perímetro abdominal por enriba dos 102 centímetros en homes e dos 88 centímetros nas mulleres.
Un dos autores do estudo, o doutor Daniel Fernández-Bergés, sinala que "está demostrado que as persoas que padecen síndrome metabólico teñen o dobre de probabilidades de sufrir unha enfermidade cardiovascular e multiplica por 1,5 o risco de mortalidade por calquera causa".
Do total de poboación estudada, 7.832 persoas padecían síndrome metabólico, cunha prevalencia superior en homes (32 por cento) que en mulleres (un 29 por cento), aínda que a partir dos 55 anos, esta iguálase entre ambos sexos e, a partir dos 64 anos, duplícase nas mulleres.
Outro aspecto estudado por Darios é o risco coronario aos dez anos de contraer esta enfermidade, risco significativamente maior entre os homes (un 8 por cento), que entre as mulleres (un 5 por cento), aínda que as mulleres con síndrome teñen 2,5 veces máis probabilidades de sufrir unha enfermidade cardiovascular en comparación coas que non o padecen.
O estudo Darios é o primeiro que inclúe a nova definición da OMS sobre o síndrome metabólico e que exclúe as personas que xa padecen diabetes ou enfermidade cardiovascular e están sendo tratadas.
Esta redefinición, chamada síndrome metabólico premórbido, diminúe nun 20 por cento a prevalencia do síndrome metabólico, sendo do 26 por cento en homes e do 24 por cento en mulleres.
Adelgazar enganchado ao teléfono
A Asociación Médica Americana (AMA) cada vez pon máis facilidades a aqueles que se toman en serio o de perder peso. Agora lanzan unha aplicación (app) para Iphone e Androide que ten a misión de motivar aos interesados a levar a dieta rigurosamente e vixiar a actividade física. A aplicación Weigh What Matters anima aos pacientes a traballar xunto aos seus médicos para comer mellor, aumentar pouco a pouco a actividade física e aprender a manter o peso saudable.
Weigh What Matters (o peso que importa) busca eliminar catro condutas claves na ganancia de peso. A saber: a mala alimentación, a inactividade física, e o consumo de tabaco e alcohol, todas elas relacionadas co desenvolvemento de enfermidades con maior incidencia na poboación, como os trastornos cardiovasculares, a diabetes ou o cancro.
A pesar de que xa existen diversas apps para perder peso, a AMA insiste en que a súa, ademais de ser desenvolvida por unha asociación médica recoñecida, é das poucas que fomenta a conexión dos usuarios cos seus médicos para establecer metas personais saudables.
Unha vez que estes obxectivos se fixan, os pacientes poden realizar un seguimento diario do seu peso, actividade física e alimentación. Ademais, esta app calcula o Índice de Masa Corporal (IMC) e envía ao correo electrónico do usuario os informes do seu progreso redactados polo médico.
Fonte: http://www.hoymujer.com/Salud/Dietas/Adelgazar-enganchado-telefono-668294022012.html
A práctica de deporte incrementa o rendemento escolar
Cando se fala de deporte, moitas veces asóciase este coa prevención para enfermidades cardiovasculares ou a diabetes, ou tamén como un método para loitar contra o sobrepeso e a obesidade. Pero o exercicio físico vai máis alá, xa que a súa práctica diaria pode contribuír a mellorar as notas dos escolares. Esta é a conclusión que se extrae dun estudo elaborado por un equipo de científicos da Universidade Vrije (Holanda), que relaciona a actividade física co mellor rendemento académico.
O deporte contribúe a ter máis éxito no colexio. Segundo recollen os autores da investigación na publicación "Archives of Pediatrics and Adolescent Medicine", hai varias hipóteses sobre os mecanismos polos que o exercicio é beneficioso para a cognición. Un deles fai referencia a que facer deporte mellora a función cardíaca e a capacidade pulmonar e que o cerebro recibe un aumento de osíxeno. Outra menciona o aumento dos niveis de endorfinas e norepinefrina, o que se traduce nunha redución dos niveis de estrés e unha mellora do humor.
Este estudo recolle que o deporte facilita un aumento dos factores de crecemento que axudan a crear novas células nerviosas, o que estimula a conexión entre as neuronas. Ademais, a participación regular en actividades deportivas pode mellorar o comportamento dos nenos na aula e aumentar así as probabilidades dunha mellor concentración nos contidos académicos.
Os científicos levaron a cabo a busca e selección de todos os traballos publicados entre 1990 e 2010 que facían referencia ao deporte e á aprendizaxe escolar ou ao rendemento académico e que se realizaran en menores cunha media de idade de seis ata os 18 anos. Dos 844 traballos identificados, os autores escolleron 14. O valor desta revisión radica en que ata agora “non se realizara ningunha cun enfoque específico de relación entre actividade física xeral e rendemento académico que valorara, ademais, a calidade dos estudos”, recoñecen os investigadores.
Fonte: http://www.elmundo.es/elmundosalud/2012/01/02/neurociencia/1325520776.html?cid=GNEW970103
Siguenos en:
