Galicia Saudable

No último século o número de persoas maiores de 65 anos aumentou ata sete veces. A esperanza de vida neste tempo medrou pouco, pero a clave agora está en mellorar a calidade de vida para poder vivir de maneira autónoma.

Un grupo de investigadores da Universidade de Pamplona está a levar a cabo un estudo sobre o efecto da actividade física en idades avanzadas. No seguinte vídeo pódese ver o caso de Jesús, un home de 97 anos que acude todos os días á Casa da Misericordia de Pamplona para realizar exercicio. En 16 semanas de entrenamento, Jesús recuperou o 30% da forza perdida en pernas e brazos e mellorou a súa masa muscular e potencia.

Segundo Mikel Izquierdo, catedrático de Fisioterapia na Universidade de Pamplona, unha persoa de máis de 50 anos ten que facer exercicio, e explica o porqué: "O exercicio físico é unha ferramenta para loitar contra todo tipo de doenzas asociadas ás enfermidades cardiovasculares ou enfermidades do sedentarismo. Por outro lado, é un bo mecanismo para loitar contra o declive funcional".

www.abc.es

O exercicio físico diario pode reducir o risco da enfermidade de alzhéimer, incluso en persoas maiores de 80 anos de idade, segundo un estudo publicado en Neurology. Segundo o traballo, non é só o feito de facer exercicio, senón tamén outras actividades como cociñar ou lavar os pratos son actividades que asocian cun risco reducido de alzhéimer. "Estes resultados apoian os esforzos para fomentar a actividade física, incluso en persoas moi maiores que non poderían ser capaces de participar no exercicio formal, pero que aínda pode beneficiarse dun estilo de vida máis activo", asegura Aron S. Buchman, do Rush University Medical Center en Chicago (EEUU).

Nova completa: http://www.abc.es/salud/noticias/para-alzheimer-mejor-moverse-11813.html

Demasiada inxestión de graxas, proteínas e azucres. A comida rápida gaña espazo mentres diminúe a actividade física. Neste sentido os nutricionistas afirman que da dieta mediterránea só queda o aceite de oliva. Consúmense poucos legumes, verduras e froita.

E dentro desa dieta tamén está o exercicio físico. As dúas horas semanais de exercicio obrigatorio nos colexios resultan insuficientes, xa que os nenos cunha actividade mínima de cinco horas de deporte de intensidade moderada á semana melloran a presión arterial, o peso, o índice de masa corporal e reducen a resistencia á insulina. Por iso, os expertos aseguran que é necesario promover a actividade física cunha visión de futuro. Os videoxogos convertéronse en aliados do sedentarismo desde a infancia, pero a tendencia consolídase coa idade.

No seguinte vídeo explícase esta tendencia ao sedentarismo.

Agora que se achega o maratón "A Coruña 42", desde Galicia Saudable dámosche os consellos e pautas necesarias para iniciarte nas carreiras populares.

Empeza amodo, ao teu propio ritmo. Adapta o teu adestramento ás túas necesidades e ao contorno. Procura ser constante e paciente, descansa e sobre todo goza correndo.

No documento anexo atoparás as recomendacións para o adestramento e a carreira.

www.lainformacion.com    

Os nenos españois están "claramente rollizos" e son "máis gordos" que os da súa contorna europea, debido, entre outros motivos, a que "somos moi tolerantes con eles" e permitímoslles comer moitas lambonadas e ver demasiada televisión.

Así o cre Adelardo Caballero, médico adxunto de Ciruxía Xeral e Aparato Dixestivo do Hospital Universitario da Princesa de Madrid, e director do Instituto da Obesidade. Segundo declarou a Servimedia o doutor Caballero, o problema da sociedade española non é que estea sobrealimentada, como algúns cren, senón máis ben "sobrecalorizada", xa que os novos hábitos de vida impoñen máis comidas rápidas e procesadas e menos exercicio físico.

"Cun euro pódense comer moitas calorías", pois dá para comprar bastantes lambonadas, e isto acúsano sobre todo os máis pequenos, que segundo os últimos datos manexados polo Ministerio de Sanidade, teñen problemas de sobrepeso en máis dun 26% dos casos. En conccreto, as cifras de Sanidade falan de que o 18,2% dos menores de entre 2 e 17 anos teñen sobrepeso e o 8,5, obesidade. Pero se se estreita a franxa de idade, as porcentaxes aumentan. Así, os resultados do Estudo Aladino, realizado pola Axencia de Seguridade Alimentaria e Nutrición (Aesan) e publicados no verán do ano pasado indican que o exceso de peso afecta ao 45,2% dos españois de entre 6 e 9 anos.

Cifras "preocupantes"
Estas cifras son, a xuízo do doutor Caballero, "preocupantes" e "hai que paralas" con información e hábitos de vida máis saudables. Ao seu parecer, é necesario que os nenos españois vexan menos televisión e fagan máis exercicio físico, no colexio, desde logo, pero tamén nas súas horas de lecer na casa. E se importante é a actividade física, non o é menos a alimentación, que ten que ser rica en froitas e verduras e sempre equilibrada.
 
Pero se os datos de sobrepeso son "preocupantes" na poboación infantil, na adulta non ofrecen unha perspectiva moito mellor. O Instituto da Obesidade sinala que o 65% dos españois teñen sobrepeso e que deles, un 15% son obesos.

Para reducir as cifras de sobrepeso en España, que fai 15 anos non chegaban ao 15%, asegura este especialista, é necesario seguir unha dieta equilibrada, facer máis exercicio físico e concienciar á poboación de que os quilos de máis non son bos para a saúde. Inflúen na aparición de enfermidades cardiovasculares e, incluso, crese que na de certos tipos de cancro como o de mama e o de colon.

Fonte: SERVIMEDIA http://noticias.lainformacion.com/salud/obesidad/espana-tiene-unos-ninos-claramente-rollizos-segun-el-instituto-de-obesidad_IEcW2T6VtL3zHxMkTeTrn5/

O Dr. Mike Evans (fundador do Health Design Lab no Li Ka Shing Knowledge Institue e profesor de medicina xeral e Saúde Pública na Universidade de Toronto e médico do St. Michael's Hospital) editou un vídeo sobre o exercicio físico e os beneficios en cifras que se poden conseguir coa súa práctica de cara á prevención de enfermidades.

No vídeo utiliza varias referencias bibliográficas para fundamentar o seu argumento. Referencias de numerosas investigacións científicas relacionadas co exercicio físico e a saúde. Segundo Evans, se o exercicio é a medicina, ¿cal debería ser a súa dose aconsellada? Dr. Mike Evans afirma que canto máis exercicio se fai, máis beneficios se obteñen para a saúde. Pero tan só media hora de actividade física ao día xa mellora os números referentes á prevención de enfermidades.