O Parlamento de Galicia debaterá o plan Galicia Saudable para fomentar a vida activa
A Comisión de Sanidade do Parlamento de Galicia debaterá mañá martes 27 de decembro o plan Galicia Saudable, unha iniciativa para fomentar a actividade física na comunidade que incorpora as directrices de diferentes institucións, como a Organización Mundial da Saúde (OMS).
Así o explicou a portavoz de Deporte do PPdeG, María Seoane, nun comunicado no que sinala que coa aprobación deste plan Galicia será a primeira comunidade española en ter unha iniciativa que sitúa a actividade física “nun lugar de privilexio que debe ter nas políticas para a saúde”.
Segundo destaca, o plan incorpora recomendacións da OMS, a Organización das Nacións Unidas e a Unión Europea, ademais de achegas de expertos das tres universidades galegas, dos distintos departamentos do Goberno galego, de concellos, asociacións e empresas.
O principal obxectivo do plan é impulsar “un novo estilo de vida activa e saudable, promovendo un cambio de hábitos nas persoas” para acadar un maior benestar e calidade de vida.
Fonte: Axencia EFE
Feijóo compromete a importancia do “Plan Galicia Saudable”
A Coruña, 26 de outubro de 2010.- O presidente da Xunta de Galicia, Alberto Núñez Feijóo, resaltou hoxe a importancia do Plan Galicia Saudable como unha iniciativa “integral –para todos-, e transversal –que conte con todos-“, capaz de configurarse “como unha ferramenta interactiva que informe aos cidadáns sobre todos os servizos e infraestruturas que teñen á súa disposición para poder practicar actividades físicas e deportivas”.
Así, durante a súa intervención no marco do Congreso Internacional da AISEP 2010: Os profesionais da educación física na promoción dun estilo de vida activo, o titular do Goberno autonómico lembrou a importancia dun Plan que “desde a educación, o transporte, o urbanismo, o turismo ou o deporte” chegue a “pais, fillos e avós”, promovendo “un estilo de vida activa entre os cidadáns que permita superar problemas como o sedentarismo e a obesidade”.
Fonte: http://www.xunta.es/notas-de-prensa?content=/Portal-Web/Contidos/Novas/nova_estandar8334.html
A Xunta pon en marcha o Plan Galicia Saudable
A Coruña, 29 de outubro de 2010.- O Plan Galego para o Fomento da Actividade Física Galicia Saudable pretende instalar na Comunidade Autónoma unha nova cultura de actividade física que permita aos galegos gozar dunha maior calidade de vida e autonomía persoal reducindo, deste xeito, a elevada porcentaxe de sedentarismo entre a poboación. O plan, que foi anunciado o pasado martes polo presidente da Xunta e presentado hoxe polo secretario xeral para o Deporte, aposta por facilitar á cidadanía oportunidades que lle permitan levar un modelo de vida fisicamente máis activo e divulgar a relación que existe entre actividade física e saúde.
De feito, tal e como asegurou José Ramón Lete no marco da súa intervención no Congreso da Asociación Internacional de Escolas Superiores de Educación Física (AIESEP), a inactividade física é un dos principais factores de risco na aparición de enfermidades crónicas non transmisibles, que se manifestan cada vez con máis frecuencia a idades temperás.
Fonte: http://deportegalego.es/index.php?idMenu=67&int1=1151&idIdioma=2
O Secretario Xeral para o Deporte continua coa presentación do plan Galicia Saudable
José Ramón Lete continúa presentando o Plan Galego para o Fomento da Actividade Física: Galicia Saudable co que pretende aumentar a calidade de vida dos galegos, a súa autonomía persoal e reducir o número de enfermidades crónicas non transmisibles relacionadas coa inactividade física.
Podes escoitar as entrevistas realizadas a José Ramón Lete en
http://www.xunta.es/descarga-arquivos/entrevista-radio-galega
http://www.xunta.es/descarga-arquivos/entrevista-radio-galega
Galicia Saudable cada vez ten máis eco
Galicia Saudable, o plan galego para o fomento da actividade física segue difundíndose.
Da man de José Ramón Lete, Secretario Xeral da Xunta de Galicia, segue a promoción e divulgación de Galicia Saudable en diferentes medios de comunicación. Este plan ten como obxectivo fomentar a práctica regular de actividade física entre os cidadáns galegos e para iso o primeiro paso é que todos saiban que é Galicia Saudable.
Podes ler máis en
Posta en marcha do Plan integral para a Actividade Física e o Deporte, "Plan A+D"
Presentouse na sede do Consello Superior de Deporte (CSD) a posta en marcha do Plan integral para a Actividade Física e o Deporte, "Plan A+D".
Este documento creado por CSD ten como fin garantir á poboación española o acceso universal á práctica deportiva de calidade, contribuíndo desta maneira a combater o elevado nivel de sedentarismo da nosa sociedade e promover hábitos de vida activos e saudables
Conta cunha páxina web que proximamente se porá en funcionamento na dirección www.planamasd.es
Descarga o libro e o folleto do Plan A+D nos documentos adxuntos
Podes saber máis sobre o Plan A+D en http://www.csd.gob.es/csd/sociedad/plan-integral-para-la-actividad-fisica-y-el-deporte-plan-a-d
Constitúese o Comité de Expertos do plan Galicia Saudable
Galicia Saudable
O presidente da Xunta, Alberto Núñez Feijóo, destacou, onte, que a experiencia e o coñecemento dos membros do Comité de expertos do Plan Galego para o fomento da actividade física Galicia Saudable permitirá informar e sensibilizar á poboación galega da importancia de practicar deporte para o mantemento da saúde e a autonomía persoal.
Durante unha xuntanza co comité e consciente de que a relevancia e experiencia dos seus membros nos seus respectivos ámbitos profesionais, académicos e científicos achegarán valiosas contribucións ao Plan Galicia Saudable, Feijóo pediu que actúen como embaixadores do mesmo alá onde vaian.
O titular da Xunta indicou, ademais, en que coa constitución do Comité de expertos, dáse cumprimento a unha das premisas de Galicia Saudable, a de contar na súa concepción coa participación de profesionais, organizacións e institucións que teñan capacidade de influír na sociedade galega dentro do ámbito da promoción da actividade física. Amais, o Comité de expertos axudará a garantir a transversalidade e a perspectiva integral do plan. Transversalidade, ambición compartidas e traballo cooperativo son os tres piares nos que se asenta o plan.
Composición do Comité de expertos Presidido polo secretario xeral para o Deporte, José Ramón Lete Lasa, o Comité de expertos está composto por profesionais do ámbito sanitario como: Felipe Casanueva Freijo, xefe do Servizo de Endocrinoloxía e Nutrición do Complexo Hospitalario Universitario de Santiago; Rafael Tojo Sierra, catedrático de Pediatría da Universidade de Santiago e xefe do Servizo de Pediatría do CHUS; José Ramón González Juanatey, xefe do Servizo de Cardioloxía do CHUS; e Alfonso Castro Beiras, xefe do Servizo de Cardioloxía do Complexo Hospitalario Universitario da Coruña.
Tamén forman parte do comité especialistas en ciencias do deporte e educación física: Rafael Martín Acero, decano da Facultade de Ciencias do Deporte e a Educación Física da Universidade da Coruña; Francisca Fariña Rivera, decana da Facultade de Ciencias da Educación e Deporte da Universidade de Vigo. E referentes no eido urbanístico como José Manuel Casabella López, decano da Escola Técnica Superior de Arquitectura da Universidade da Coruña e Martín Fernández Prado, profesor da mesma Escola; ou no ámbito turístico, como é o caso de María Elisa Alén González, decana da Facultade de Ciencias Empresariais e Turismo da Universidade de Vigo.
No ámbito pedagóxico destacan José Antonio Caride Gómez, catedrático de Pedagoxía Social da Facultade de Ciencias da Educación da Universidade de Santiago de Compostela; no eido da comunicación, José Pereira Fariña, decano da Facultade de Ciencias da Comunicación da Universidade de Santiago de Compostela; e Carmen Atero Carrasco, asesora da Secretaría Xeral para o Deporte, actuará como secretaria do comité.
O comité reunirase, polo menos, unha vez cada semestre para abordar diferentes cuestións que teñan que ver co desenvolvemento de Galicia Saudable.
Gran oferta saudable nos "Puntos móvete" do concello do Grove
Multitude de veciños grovenses participan no programa "Galicia saudable" posto en marcha polo Concello en colaboración coa Xunta, co fin de favorecer a práctica de exercicio físico entre a poboación e ofrecer aos cidadáns diferentes posibilidades e alternativas.Estas actividades e saídas a camiñar están programada nos "Lugares de Encontro" dos "Puntos Móvete", localizados na contorna da Casa dá Cultura Anxo Vázquez Hereder, de San Vicente, e nas inmediacións do parque infantil de Confín, onde un monitor ocúpase de dirixir a actividade física e de orientar aos usuarios nos principios dunha adecuada camiñada, de explicar aos participantes as bases da importancia dos estiramentos tras o exercicio e de resolver todas as dúbidas que poidan aparecer co fin de favorecer a autonomía dos participantes. As saídas teñen lugar os luns ás 11.00 h e os xoves ás 17.30 h no parque de Confín, e os martes e venres ás 17:30 e os mércores e sábados ás 11.00 h na Casa dá Cultura Vázquez Hereder y para animar a participación cada persoa recibe un chubasquero e un podómetro.
Siguenos en:
